Suriya Prezidenti Bəşər Əsədin əmisi Əsəd Rifat Fransada dövlət vəsaiti hesabına qanunsuz zənginləşməsi haqqında iş üzrə məhkəmə qarşısına çıxarılıb.

Millətinsəsi.az xəbər verir ki, AFP agentliyi Suriya rəhbərinin 79 yaşlı əmisinin bu ilin iyun ayından istintaq altında olduğunu yazıb. O, çirkli pulların yuyulmasında və dövlət vəsaitlərinin mənimsənilməsidə, qabaqcadan əlbir olaraq pul, vergi qanunvericiliyinin kobud şəkildə pozulması nəticəsində qeyri-qanuni vəsait əldə etməkdə ittiham olunur.

Suriya prezidentinin əmisi barəsindəki müvafiq iddia ''Şerpa Transparensi İnternational'' - antikorrupsiya araşdırmaları ilə məşğul olan qeyri-hökumət təşkilatlarının fransız şöbəsi tərəfindən hələ 2013-cü ildə verilib. Onlar bildiririblər ki, hətta sürgündə olarkən, Rifat Əsəd Suriya dövlətindən daşınmaz əmlakın alınması üçün qanunsuz vəsait alırmış. Təkcə Fransada Suriya liderinin əmisiin əmlaklarının qiyməti 160 milyon avrodur.

Məlumata görə, o, Parisin 16-ci dairəsində bir neçə bahalı mənzil, hektarlarla torpaq sahələrinə sahibdir.