MDB-nin dörd ölkəsində vahid hava hücumundan müdafiə sistemlərinin təlimi başlayıb.

Axar.az xəbər verir ki, bu barədə informasiyanı Rusiya Müdafiə Nazirliyi yayıb. Hərbi təlim Ermənistan, Belarus, Rusiya və Qazaxıstan hava məkanında aparılır. Bu gün başlayan təlimə Su-27, MiQ-29, MiQ-31 qırıcıları, Su-24, Su-34 bombardmançıları, Mi-8 və Ka-27 vertolyotları cəlb edilib.

Qeyd edək ki, təlimə 7 MDB ölkəsinin hərbi qüvvəsi cəlb edilib. Bu ölkələr sırasına Ermənistan, Belarus, Qazaxıstan, Rusiya, Qırğızıstan, Tacikistan və Özbəkistan daxildir.

Bundan öncə Rusiya Ermənistanla vahid hava hücumundan müdafiə sisteminin yaradılması haqqında razılaşma imzalayıb. Moskvanın həmçinin Qazaxıstan və Belarusla da eyni tip razılaşması mövcuddur.