Ana səhifə Planet |
NATO-Rusiya münasibətlərində böhran olana qədər biz təhlükəli mesajlar alırdıq.
Axar.az xəbər verir ki, bunu mərhum rusiyalı müxalif Boris Nemtsovun qızı Janna Nemtsovaya müsahibəsində NATO Baş katibinin keçmiş müavini Aleksandr Verşbou söyləyib.
Onun sözlərinə görə, NATO Rusiya ilə bağlı aldığı siqnallara çox da diqqət etmirdi:
"2014-cü ildə Rusiya Ukraynaya qarşı hərbi aqressiyaya başlamaqla bütün sistemi dəyişdi. Hazırda bizim münasibətlərimizdə böhranın yaranmasında ilk növbədə Rusiya günahkardır. Biz bundan öncə də təhlükəli siqnallar alırdıq, amma bunlara fikir vermirdik. 2008-ci ildə Gürcüstan müharibəsi, rus ordusunun Moldovada qeyri-qanuni mövcudluğunu saxlaması Moskvanın qonşu ölkələrin suverenliyinə hörmət etməməsi demək idi. 2007-ci ildə Putin Münhen konfransında NATO-nun Şərqə doğru genişlənməyindən danışanda biz bunu ciddi qəbul etmişdik, amma fikirləşirdik ki, ümumi maraqlarımız aramızda fikir ayrılığına yardım edəcək. İndi görünür, Rusiya siyasətinin əsas məqsədi NATO-dan düşmən obrazı yaratmaq idi. NATO-nun Şərqə doğru genişlənməsi Rusiyanın qərb sərhədlərində stabil və demokratik dövlətlərin yaranmasına səbəb oldu. Qeyri-stabillik Rusiyadan gəlir. Kremlə maraqlıdır ki, bizi düşmən kimi saxlasın".
Tarix
2016.10.27 / 12:52
|
Müəllif
İlkin Həsənov
|