ABŞ-ın bəzən müəyyən ölkələrə etdiyi hərbi müdaxilə gözlənilməz nəticələrə səbəb olur və böyük problemlərə gətirib çıxarır.

Axar.az xəbər verir ki, bunu HBO televiziyasına müsahibəsində ABŞ Prezidenti Barak Obama söyləyib. Onun sözlərinə görə, Amerika vətəndaşlarını İŞİD və Əl Qaidə təhdidindən qorumaq üçün hərbi müdaxilə qaçılmazdır. O, dünya nizamını qoruyub saxlamaq üçün ABŞ-ın müttəfiqlərə ehtiyacı olduğunu bildirib.

Qeyd edək ki, məhz Obamanın hakimiyyəti dönəmində ABŞ Liviyaya müdaxilə edərək ölkə lideri Müəmmər Qəzzafini devirib. Sonra bəzi amerikalı siyasətçilər Vaşinqtonun bu addımının tam yanlış olduğunu etiraf ediblər.