Hillari Klinton ABŞ Dövlət Departamentinin rəhbəri olanda Qətər Bill Klintonun xeyriyyə fonduna 1 milyon dollar ianə bağışlayıb.

Axar.az xəbər verir ki, bunu jurnalistlərə açıqlamasında fondun mətbuat katibi Brayn Kukstra söyləyib.

Qeyd edək ki, "Vikiliks" saytı 2009-cu ildə Qətərin Klintonun xeyriyyə fonduna 1 milyon dollar bağışladığı haqqında informasiya yayıb. Rəsmi Doha bunun qarşılığında Hillari Klintonla görüşmək istədiklərini bildiriblər. Görüşün baş tutub-tutmaması indiyə qədər heç kimə bəlli deyil. Lakin ianə kampaniyası bununla bitməyib. 2011-ci ildə Bill Klintonun 65 yaşı münasibəti ilə yenidən fonda 21 milyon dollar ianə cəlb edilib.

Hillari Klinton dövlət katibi olmazdan öncə xarici donorların böyük məbləğdə ianələri haqqında məlumat verəcəyi barədə üzərinə öhdəlik götürüb. Maraqlı məqam odur ki, Klinton bu ianələrin heç biri haqda indiyə qədər Dövlət Departamentini məlumatlandırmayıb.