İŞİD-ə qatılan vətəndaşlarının geri dönüb terror hücumu hazırlamasından qorxan Britaniya hökuməti 200 nəfərdən ibarət "ölüm siyahısı" hazırlayıb.

Axar.az "Tayms"a istinadən xəbər verir ki, siyahını İraqdakı xüsusi təyinatlı qüvvələrinə ötürən rəsmi London bu şəxslərin ölkəyə qayıtmadan İraqda öldürülməsinə göstəriş verib.

Hərbçilərə siyahıda adı olan şəxslərin ölü və ya diri ələ keçirilməsi üçün böyük səlahiyyət verilib.

Qəzetə danışan yüksək rütbəli britaniyalı zabit prosesin çoxdan başladığını deyib:

"Ölüm siyahısında yüzlərlə pis niyyətli insanın adı var. Bunların böyük əksəriyyəti İngiltərədən gedənlərdir. Xüsusi təyinatlılarımız bu planla hərəkət edir və İraqda İngiltərə vətəndaşlarının axtarışına başlayıb".