Ana səhifə Planet |
Türkiyədə baş verənlər nasistlər dönəmindəki olaylara bənzəmir.
Axar.az xəbər verir ki, bunu Türkiyənin Avropa Birliyi İşləri üzrə naziri və baş müşaviri Ömər Çelik Lüksemburqun Xarici İşlər naziri Jan Asselborna cavabında deyib.
Türk nazir Asselbornu tarixi bilməməkdə ittiham edib:
"Türkiyədəki məsələ nasistlər dönəmindəki hadisələrə bənzəmir. Tam əksinə, nasistlər hakimiyyətdən getdikdən sonra hitlerçilərə qarşı mübarizə ilə oxşardır. Nasistlər FETÖ ilə müqayisədə sönük qalarlar. FETÖ-çular tanklarla, qırıcı təyyarələrlə öz xalqının qanını tökmüş terrorçulardır. Heç kim bu mübarizədə geri addım atacağımızı düşünməsin".
Qeyd edək ki, Asselborn 15 iyul qiyam cəhdindən sonra Türkiyədə aparılan əməliyyatları nasistlər dövründə həyata keçirilən tədbirlərə bənzətmişdi.
Tarix
2016.11.07 / 22:32
|
Müəllif
Kamran Ədalət
|