Qondarma Cənubi Osetiya rejiminə elektrik verilişi tam dayandırılıb.

Axar.az xəbər verir ki, bunu "İnterfaks" agentliyinə açıqlamasında "Enerqoresurs – Cənubi Osetiya" şirkətinin Baş direktoru Alan Qabarev söyləyib.

Onun sözlərinə görə, elektrik verilişi təmir işləri ilə əlaqədar dayandırılıb. O, qondarma rejimdə elektrik enerjisinin 9:00-dan 18:00-a qədər olmayacağını bildirib.

Qeyd edək ki, Cənubi Osetiyaya elektrik Şimali Osetiyadan verilir.

Cənubi Osetiya Gürcüstan ərazisidir. 2008-ci ildə baş vermiş Gürcüstan-Rusiya savaşından sonra bu bölgə Tiflisin tabeçiliyindən çıxıb. Müharibədən bir neçə gün sonra Moskva Cənubi Osetiyanın müstəqilliyini tanıyıb.