Yuxarı

"Bakı Serbiyanın iqtisadiyyatına təsir edəcək"

Ana səhifə Gündəm
12 Punto 14 Punto 16 Punto 18 Punto

"AzVirt"in Serbiyada inşa etdiyi yol Azərbaycan şirkəti tərəfindən Avropada icra olunan ilk layihədir.

AzərTac-ın Serbiyaya ezam olunmuş müxbiri xəbər verir ki, bu fikri yolun açılış mərasimində iştirak edən iqtisadiyyat naziri Şahin Mustafayev Belqradda Azərbaycan jurnalistlərinə müsahibəsində deyib.

Layihənin 2012-ci ilin fevralında Azərbaycan və Serbiya hökumətləri arasında imzalanmış saziş əsasında həyata keçirildiyini xatırladan nazir bildirib ki, sazişə əsasən Azərbaycan hökuməti Serbiya hökumətinə 300 milyon avro kredit ayırıb və həmin vəsait hesabına yolun tikintisi həyata keçirilib.

"Kredit dövlət zəmanəti ilə əlverişli şərtlərlə verilib və artıq onun qaytarılmasına başlanılıb", - deyən Şahin Mustafayev bildirib ki, sazişə əsasən podratçı Azərbaycan şirkəti olmalı idi. "AzVirt" baş podratçı kimi layihədə iştirak etdi və nəzərdə tutulan vaxtda onu başa çatdırdı. "AzVirt" şirkəti bu layihəni çox yüksək peşəkarlıqla həyata keçirdi. "Serbiyanın Baş naziri Aleksandr Vuçiç ilə keçirdiyim görüşdə o, şirkətin yüksək peşəkarlığını və iş bacarığını xüsusi vurğuladı", - deyən nazir layihənin yüksək keyfiyyətlə icra olunduğunu və beynəlxalq standartlara cavab verdiyini bildirib. "Bu, həm "AzVirt" şirkəti, həm də bütövlükdə Azərbaycan üçün çox böyük uğurdur. Çünki bu layihə Azərbaycan şirkəti tərəfindən Avropada icra olunan ilk layihədir. "AzVirt" Azərbaycanda tikinti sektorunda ən aparıcı şirkətlərdən biridir. Bu layihəni həyata keçirməklə "AzVirt" sübut etdi ki, Azərbaycan şirkətləri və bu şirkətlərdə çalışan mütəxəssislər çox yüksək peşəkarlığa malikdirlər".

Şahin Mustafayev bildirib ki, Serbiya üçün bu layihənin əhəmiyyəti çox böyükdür. İnşa olunmuş yolun ölkənin iqtisadiyyatına çox böyük təsiri olacaq, Serbiyanın tranzit imkanları genişlənəcək. Layihənin, həmçinin çox böyük sosial əhəmiyyəti də var. Bütövlükdə layihə Azərbaycan-Serbiya əməkdaşlığının inkişafı baxımından böyük əhəmiyyət kəsb edir. Bu layihə əməkdaşlığımızın genişlənməsinə mühüm töhfə verəcək.

Tarix
2016.11.09 / 00:27
Müəllif
Axar.az
Şərhlər
Digər xəbərlər

Nikol Tavuşda izah etdi: Bakı 4 kəndi istəyir, biz isə...

Stoltenberqin Bakı səfərinə Rusiyadan baxış

Bakı və İrəvan üçün sülh çox vacibdir - Video

Azərbaycan çox əhəmiyyətli ölkədir - Stoltenberq

Bu gün İlaxır çərşənbə qeyd olunur

Hikmət Hacıyev Çin rəsmiləri ilə görüşdü

Azərbaycan-İraq əlaqələri müzakirə olundu

Əliyev niyə Putinə təbrik zəngi etdi? – “Unudanların” diqqətinə

Ceyhun Bayramov Türkiyə xalqını təbrik etdi

Şeytan yuvası yerlə-yeksan edildi - Prezident

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla