Donetsk vilayətinin Slavyansk şəhərində separatçıların qurduğu blok-postun yaxınlığında atışma baş verib.

"Axar.az" xəbər verir ki, bu barədə Ukrayna Daxili İşlər Nazirliyindən məlumat yayılıb.

Hüquq-mühafizə orqanlarının yaydığı məlumata görə, gecə yerli vaxtla saat 02:20 radələrində 4 avtomobil blok-posta yaxılaşaraq oarada növbə çəkən insanlara atəş açıb.

Qarşı tərəfdən də onlara cavab atəşi açılıb.

Atışma nəticəsində separatçılardan 3 nəfər öldürülüb, 3 nəfər isə ağır yaralanıb.

Rəsmi məlumata görə, blok-posta atəş açanlar 12 nəfər olublar. Atışmadan sonra onlar Xarkov istiqamətində yola düşüblər. Gedərkən ölü və yaralılarını da özləri ilə aparıblar. Onların iki avtomobili hadisə yerində qalıb.