Rusiya telekanalları ukraynalı boksçu Vladimir Kliçkonun avstraliyalı rəqibi Aleks Leapai ilə aprelin 26-da keçiriləcək döyüşünü yayımlamayacaq.

"Axar.az" xəbər verir ki, döyüşlə bağlı Rusiyanın heç bir idman kanalı anons verməyib.

"Rusiya boks fanatları aprelin 26-da televizorda mənim döyüşümü görməyəcəklər. Yaxşı olardı ki, idman bizim xalqları ayırmaqdansa birləşdirsin" deyə Kliçkonun Tvitter hesabında yazılıb.

Almaniyanın "Bild" qəzeti isə, "Putin öz pultu ilə Kliçko qardaşlarının kiçiyini televizirdan söndürüb" yazıb.

Alman nəşrinin bildirdiyinə görə, buna səbəb Ukrayna böhranı və böyük qardaş Vitali Kliçkonun mövqeyidir.