Hazırda professor Cavad Heyət Gömrük Hospitalına yerləşdirilib

Ötən həftə Bakıda Mərkəzi Klinik Xəstəxananın reanimasiya şöbəsinə yerləşdirilən məşhur azərbaycanlı cərrah, professor Cavad Heyətin vəziyyəti ağırlaşdığından o, Gömrük Hospitalına köçürülüb.

Bu barədə "Borçalı" Cəmiyyətinin sədri Zəlimxan Məmmədli açılqlamasında bildirib.

Onun dediyinə görə, şənbə günü səhhəti nisbətən yaxşılaşan Cavad Heyət bir gün sonra komaya düşüb: "Təəssüf ki, dəyərli ziyalımızın durumunda yaxşılaşma müşahidə olunmur, vəziyyəti olduqca ağırdır. Hazırda reanimasiyadadır. Hətta ailə üzvlərinin də onunla görüşmək imkanı yoxdu".

Z.Məmmədli dedi ki, C.Heyətin qızı da artıq Bakıdadır.

Musavat.com