Rus oliqarxları öz hesablarını Londondan çıxarmağa başlayıblar.

Axar.az xəbər verir ki, bu barədə İngiltərənin "Teleqraf" qəzeti məlumat yayıb.

Buna səbəb biznesmenlərin Britaniya hökumətinin Kremlin "müttəfiqləri"nə yardım etməmək çağırışına məhəl qoymamaları olub.

Qəzetin verdiyi məlumata görə, dünən Avropa Birliyi sanksiya tətbiq olunacaq rusların siyahısını təsdiq edib. İngiltərə Baş naziri Devid Kameronun administrasiyasında həmin biznesmenlərin adlarını çəkməkdən imtina ediblər.

Devid Kameronun mətbuat katibi mətbuata verdiyi açıqlamasında bildirib ki, hazırda sanksiyalar fiziki şəxslər və şirkətlərə qarşı tətbiq olunur.