İspaniyanın təhlükəsizlik qüvvələri ABŞ-ın tələbi ilə virtual oğurluq etdiyinə görə Rusiya vətəndaşını nəzarətə götürüb.

Axar.az xəbər verir ki, nəzarətə alınan Sankt-Peterburq sakini 30 yaşlı Vladimir Polyakov internet vasitəsi ilə elektron biletləri oğurlayıb satmaqda günahlandırılır.

İddialara görə, Polyakov ABŞ-ın "Ebay" virtual mağazasının "stuHub" saytının şifrəsini qıraraq sistemdə yerləşdirilən elektron biletləri satın alıb.

Polyakovun bu biletləri sataraq 10 milyon dollar qazandığı iddia olunur.

Rusiyanın İspaniyadakı səfirliyinin mətbuata açıqlama verən sözçüsü Aleksandr Korçagin nəzarətə götürülən Polyakova vəkil tutularaq hər cür dəstəyin verildiyini bildirib.

Qeyd edək ki, İspaniyada məhkəməyə çıxarılacaq Polyakovun ABŞ-a ekstradisiya olunacağı gözlənilir.

Xatırladaq ki, bir müddət öncə ABŞ Rusiya Liberal Demokrat Partiyasından olan millət vəkili Valeri Seleznyovun oğlu Roman Seleznyovu hakerlik iddiası ilə Maldiv adalarında istirahətdə olarkən nəzarətə almışdı.