Hökumət 2014-cü ilin II rübü üçün Mərkəzləşdirilmiş Kredit Reyestri Xidmətinin (MKRX) məlumatlarını açıqlayıb.

Axar.az xəbər verir ki, MKRX-nin məlumatında 41 bank və 31 Bank Olmayan Kredit Təşkilatının (BOKT) hesabatından istifadə edilib. Hesabat dövrü ərzində reyestrdə 1 milyon 421 min 310, həmçinin banklar və BOKT-lər tərəfindən 1 milyon 398 min 83 sorğu həyata keçirilib.

Bu rəqəm ötən ilin eyni dövrü ilə müqayisədə MKRX-yə edilən sorğuların sayından 1,43 dəfə çoxdur. Bu o deməkdir ki, ötən ilin II rübündə 988 min 367 sorğu göndərilib. 2013-cü ilin ikinci rübündə 2358, cari ilin müvafiq dövründə isə 23 min 227 şəxs öz kredit hesabatını əldə etmək məqsədilə MKRX-yə müraciət edib. Bu ilin ikinci 3 ayı ərzində haqqında məlumat əldə edilən borc alanların sayı 2 milyon 138 min 886 nəfər, kredit məlumatlarının sayı 7 milyon 738 min 882 nəfərdir. Zamin olan şəxslərin sayı isə bir qədər az - cəmi 989 min 278 olub. Bu da bir borcalana orta hesabla 3,6 kredit məlumatının düşdüyünü göstərir.