Türkiyədə Sivas şəhəri bələdiyyəsinin və yerli televiziyalardan birinin təşkilatçılığı ilə hazırlanan iftar mərasimi rekord göstərici ilə yadda qalıb.

Axar.az xəbər verir ki,iftarda 20 min nəfər iştirak edib və süfrə şəhərin məşhur İnönü bulvarı boyunca 1,5 km məsafədə uzanıb.

"Minlərlə insan tək bir süfrə" şüarı ilə təşkil edilən proqramda minlərlə insan azanın oxunması ilə bir süfrə başında, eyni anda iftarlarını açıblar. İftar süfrələrində yer olmadığı üçün bəziləri açıq ərazilərdə oturublar.

İftardan sonra Sivas bələdiyyə sədri Sami Aydın da şəhər əhalisi qarşısında çıxış edib.

Mərasim iştirakçıları dualarında Qəzzalıları da unutmayıblar və Allahdan onlara kömək diləyiblər.