Həbsdə olan xalası oğluna şampun qabında narkotik gətirən şəxs saxlanılıb.

Axar.az Penitensiar Xidmətin rəsmi saytına istinadən xəbər verir ki, 3 saylı İstintaq təcridxanasına narkotik maddənin keçirilməsi cəhdinin qarşısı alınıb.

Belə ki, istintaq təcridxanasında saxlanılan məhkum Elnur Mətləb oğlu Abıyevə xalası oğlu Cəbrayıl Gündüz oğlu Rəcəbov sovqat gətirib. Gətirilənlərə baxış zamanı "Head and Shoulders" şampun qabının içərisində 4 ədəd sellofana bükülərək gizlədilmiş 3.99 qram marexuana, 2.490 qram tiryək, 0.52 qram həşiş qətranı və 0.573 qram heroin aşkar edilərək götürülüb.

Fakt üzrə araşdırma aparılır.