Ana səhifə Gündəm |
18:59
Azərbaycan Respublikası Prezident İlham Əliyev Təhsil Nazirliyinin strukturunun təkmilləşdirilməsi haqqında sərəncam imzalayıb.
Axar.az xəbər verir ki, bu barədə Prezidentin rəsmi saytı məlumat yayıb.
Sərəncama əsasən, Təhsil Nazirliyinin aşağıdakı regional idarələri yaradılıb:
- Sumqayıt şəhər, Abşeron, Xızı və Qubadlı rayon təhsil
şöbələrinin bazasında Sumqayıt Regional Təhsil İdarəsi;
- Xaçmaz, Quba, Qusar, Şabran və Siyəzən rayon təhsil şöbələrinin
bazasında Xaçmaz Regional Təhsil İdarəsi;
- İsmayıllı, Şamaxı, Qobustan və Ağsu rayon təhsil şöbələrinin
bazasında İsmayıllı Regional Təhsil İdarəsi;
- Şəki şəhər, Oğuz və Qəbələ rayon təhsil şöbələrinin bazasında
Oğuz Regional Təhsil İdarəsi;
- Balakən, Zaqatala və Qax rayon təhsil şöbələrinin bazasında
Balakən Regional Təhsil İdarəsi;
- Ağstafa, Qazax və Tovuz rayon təhsil şöbələrinin bazasında
Ağstafa Regional Təhsil İdarəsi;
- Şəmkir, Gədəbəy və Daşkəsən rayon təhsil şöbələrinin bazasında
Şəmkir Regional Təhsil İdarəsi;
- Gəncə və Naftalan şəhər, Samux, Göygöl, Goranboy, Kəlbəcər və
Xocalı rayon təhsil şöbələrinin bazasında Gəncə Regional Təhsil
İdarəsi;
- Yevlax və Mingəçevir şəhər, Ağdaş və Bərdə rayon təhsil şöbələrinin bazasında Yevlax Regional Təhsil İdarəsi;
- Tərtər, Ağdam, Ağcabədi, Laçın, Füzuli və Xocavənd rayon təhsil şöbələrinin bazasında Tərtər Regional Təhsil İdarəsi;
- Ucar, Zərdab, Kürdəmir və Göyçay rayon təhsil şöbələrinin
bazasında Ucar Regional Təhsil İdarəsi;
- Sabirabad, Saatlı, İmişli və Beyləqan rayon təhsil şöbələrinin
bazasında Sabirabad Regional Təhsil İdarəsi;
- Şirvan şəhər, Salyan, Hacıqabul, Neftçala, Biləsuvar və Cəbrayıl
rayon təhsil şöbələrinin bazasında Salyan
Regional Təhsil İdarəsi;
- Masallı, Yardımlı və Cəlilabad rayon təhsil şöbələrinin
bazasında Masallı Regional Təhsil İdarəsi;
- Lənkəran şəhər, Astara və Lerik rayon təhsil şöbələrinin
bazasında Astara Regional Təhsil İdarəsi.
Dövlət başçısı Təhsil Nazirliyinin strukturunu da təsdiq edib.
Nazirlər Kabinetinə, Ədliyyə və Maliyyə nazirliklərinə sərəncamdan irəli gələn məsələləri həll etmək tapşırılıb.
19:55
İlham Əliyev Təhsil Nazirliyinin strukturunun təsdiq edilməsi barədə də sərəncam imzalayıb.
Azərbaycan Respublikası Təhsil Nazirliyinin strukturu aşağıdakı kimidir:
1. Azərbaycan Respublikası Təhsil Nazirliyinin aparatı.
2. Azərbaycan Respublikası Təhsil Nazirliyinin strukturuna daxil olan qurumlar:
2.1. Bakı Şəhəri üzrə Təhsil İdarəsi;
2.2. regional təhsil idarələri.
22:45
Azərbaycan Prezidenti İlham Əliyev həmçinin "Azərbaycan Respublikası Baş Prokurorluğu kollegiyasının tərkibinin təsdiq edilməsi haqqında" və "Azərbaycan Respublikası Baş Prokurorluğunun Strukturu"nda dəyişiklik edilməsi haqqında sərəncam imzalayıb.
Tarix
2014.07.24 / 22:45
|
Müəllif
Axar.az
|