Ukrayna hərbçiləri separatçılara məxsus çoxlu sayda silah və hərbi texnikanı məhv edib. Anti-terror qüvvələrinin Qorlovkada nəzarət etdikləri zona genişlənir.

Axar.az xəbər verir ki, bu barədə ukraynalı hərbi ekspert Dmitri Timçuk məlumat verib.

"Latuqino, Şaxtyorsk, Torez şəhərlərinin azad edilməsi üçün anti-terror qüvvələrinin əməliyyatı davam edir və eyni zamanda Saur-Mogila rayonu terrorçulardan təmizlənir", - deyə Tımçuk bildirib.

Onun sözlərinə görə, hərbçilər Şaxtyorsk, Ternovoye, Redkodub, Saur-Mogilada reydlər aparır. Eyni zamanda Ukrayna aviasiyası xeyli sayda canlı qüvvə, silah və hərbi texnika məhv edib.