On illik çəkişmədən sonra nəhayət ki, Haaqa Məhkəməsi YUKOS-u zərər çəkən şirkət kimi tanıyaraq, Rusiyanın qarşı tərəfə 50 miyard dollar konpensasiya ödəməsi barədə qərar çıxarıb.

Axar.az-ın Rusiyanın "Kommersant"qəzetinə istinadən məlumatına görə, qərar rəsmən bu gün - iyulun 28-də elan olunacaq. Rusiyanın qərardan şikayət etməsi üçün 10 gün vaxtı var və rəsmi Moskva bu imkandan mütləq yararlanaraq, özünü doğru çıxarmağa çalışacaq.

Qərarda bildirilir ki, Rusiya Beynəlxalq Enerji Xartiyasının tələblərini pozaraq, YUKOS-u ekspropriasiya ilə üz-üzə qoyub. Rusiya tərəfi uzun illər bu məsələdən boyun qaçıraraq sözügedən Xartiyanın Viktor Çernomırdının hökumət başçısı olduğu dönəmdə -1994-cü ildə imzalandığını, amma Rusiya parlamentində ratifikasiya olunmadığını iddia edib.

Xatırladaq ki, Haaqa Məhkəməsi 50 miyard dolların 15 yanvar 2015-ci ilə qədər ödənməsi tələbini irəli sürüb.