"Putin mücahidlərə qarşı əməliyyata başlamaqla bağlı Kadırova gizli göstəriş verib".

Axar.az xəbər verir ki, bu barədə informasiyanı mücahidlərə yaxın saytlar yayıb.

Məlumatda artıq Kadırovun tabeliyindəki hərbi hissələrin son günər döyüş hazırlığı vəziyyətinə gətirildiyi bildirilir:

"İnsanlar tez-tez müxtəlif hərbi maşınların harasa getdiyinin şahidi olurlar. Üstəlik, bir neçə gün bundan öncə Xosi-yurt kəndi yaxınlığında bir neçə yüz hərbçi toplanmışdı. Güman edilir ki, Kadırov mücahidlərlə müharibəyə hazırlaşır. Putindən əmr gəlmədən isə bu, atılması çox çətin olan addımdır. Ruslar Ukraynada düşdükləri bataqlıqdan sonra Qafqazdan qorxurlar".

Qeyd edək ki, son günlər bəzi analitiklər Rusiyanın zəiflədilməsi üçün yenidən Şimali Qafqazdakı mücahidlərin aktivləşdirilməsi əməliyyatına başladılacağını demişdilər.