Litva Rusiya üçün sanksiyalar hazırlayıb.

Axar.az xəbər verir ki, bu informasiyanı Litvanın Xarici İşlər naziri Linas Linkyaviçyus təsdiq edib.

Onun sözlərinə görə, hər şeydən öncə Litva Ukraynaya qarşı Kremlin siyasətini dəstəkləyən Rusiya vətəndaşlarının ölkə ərazisinə gəlməsini qadağan etməyi müzakirə edir:

"Həmin siyahıda həm siyasətçilər, həm iş adamları, həm də hüquq-mühafizə orqanlarının nümayəndələrinin adları var. Lakin bu sanksiya tətbiq ediləcək adamların sayı hələ ki dəqiq bəlli deyil".

Qeyd edək ki, ötən həftə Litva prezidenti Dalya Qribauskayte Ukraynada baş verən hadisələrə cavab olaraq Rusiyaya qarşı sanskiyaların hazırlanacağını bildirmişdi. Sözügedən məsələ Avropa İttifaqının digər üzv ölkələri ilə də müzakirə olunub.