Ana səhifə İqtisadiyyat |
Rusiyaya qarşı yönəldilən sanksiyalar həm rəsmi Moskvaya, həm də Avropa Birliyi ölkələrinə baha başa gələcək.
Axar.az xəbər verir ki, bu barədə "EUobserver" qəzeti məlumat yayıb. Qəzetə məlumat verən mənbənin sözlərinə görə, tətbiq edilən sanksiyalar Rusiya iqtisadiyyatına dərhal 23 milyard avro zərbə vuracaq. Bu isə ölkə büdcəsinin 1,5 faizidir. 2015-ci ilin ilk günlərinə olan proqnoza görə, bu rəqəm 3 dəfə artaraq 75 milyard avroya çatacaq. Bu da öz növbəsində Rusiya dövlət büdcəsinin 4,8 faizinə bərabərdir.
"Ekonomist" jurnalı isə Rusiyaya tətbiq edilən sanksiyaların 1 trilyon ABŞ dolları (744 milyard avro) məbləğində ziyan vuracağı iddiasını ortaya qoyur. Jurnalın iddiasına görə, Rusiyanın da atacağı alternativ embarqo addımları sayəsində Avropa Birliyinə önümüzdəki il 40 milyard avro (AB büdcəsinin 0,3 faizi), növbəti il isə 50 milyard avro (AB büdcəsinin 0,4 faizi) ziyan dəyəcək.
Tarix
2014.07.30 / 18:41
|
Müəllif
Tural İbadov
|