Ana səhifə Planet |
İraq və Suriyada qətliamlar törədən "İraq Şam İslam Dövləti"nin (İŞİD) istifadə etdiyi bayrağın emblemindən istifadə edən Xəzinədar İslami Araşdırma Dərnəyi (HİSADER) bağlanıb.
Axar.az türk mediasına istinadən xəbər verir ki, dərnək bölgədə yaşayan gənclərin Suriyadakı müharibəyə göndərilməsi və terror təşkilatlarına qoşulması kimi işlərlə məşğul olub.
Türkiyədə fəaliyyət göstərən dərnəyin başçısı Volkan Sağlam isə dərnəklərinə böhtan atıldığını deyib:
"İyunda dərnəyimizə əsassız böhtanlar atdılar, Allahın köməkliyi ilə dik dayanaraq bütün şər-böhtana gözəl şəkildə cavab verdik. Əməyi keçən bütün müsəlmanlardan Allah razı olsun. Amma bu söz-söhbətlər tükənmək bilmir. Hər hansı bir müsəlmanın teli bizim üçün 10 dənə HİSADER-dən daha qiymətlidir".
Dərnək başçısı sözlərinə belə davam edib: "Hal-hazırda heç bir iş görmürük. HİSADER bağlanıb, fəaliyyətimiz dayanıb".
Tarix
2014.07.31 / 13:08
|
Müəllif
Nilufər Muğantürk
|