Rusiya Kommunist partiyasının rəhbəri Gennadi Züqanov SSRİ-nin sonuncu lideri Mixail Qorboçovun Sovet İttifaqını dağıtdığına görə mühakimə edilməsinin lazım olduğunu bildirib.

Axar.az xəbər verir ki, Sovetlər Birliyinin dağıldığı tarixlə bağlı (19 avqust 1991-ci il) rus mətbuatına danışan Züqanov Qorboçovu sərt bir formada tənqid edib.

Kommunist lider Qorbaçovu hər şeyə tüpürməkdə ittiham edib:

"Heç bir üsyan-filan olmadı. Qorboçov özünü və ölkəni məhv etdi. Onu məhkəməyə vermək lazımdır və bütün ölkə onu qınasın deyə, xalq məhkəməsi qurulmalıdır. Dövlətin başındakı şəxs ərazi bütövlüyü və cəmiyyətin təhlükəsizliyindən məsuldur. Qorboçov isə hər şeyə "tüpürərək" ortalıqdan itdi".