Suriyadan götürülmüş 600 ton kimyəvi maddə zərərsizləşdirilib.

Axar.az İran mətbuatına istinadən xəbər verir ki, Kimyəvi Silahlara Qadağa Təşkilatının müdiri Suriyadan 600 ton kimyəvi silahın götürüldüyünü və bir Amerika gəmisində zərərsizləşdirildiyini bildirib.

"Rusiyanın Səsi" radiosunun məlumatına görə, Əhməd Üzümçü sözügedən məsələ ilə bağlı bunları deyib:

"Bu əməliyyatın başa çatması ilə Suriyanın kimyəvi maddələr saxlanılan anbarlarının məhv edilməsi prosesinin ən həssas və mürəkkəb mərhələsi beynəlxalq dəniz əməliyyatında yekunlaşdı".

Qeyd edək ki, KSQT-nin müfəttişləri kimyəvi maddələrin dənizə sızması hadisəsinin baş vermədiyini və yerdə qalan tullantıların Almaniya və Finlandiyanın sənaye şirkətləri tərəfindən məhv ediləcəyini bildirib.