Ana səhifə Planet |
Axar.az Daily Mail-ə əsasən xəbər verir ki, Rusiya Prezidenti Vladimir Putin Argentina Prezidenti Kristina Kirşnerlə axşam yeməyində xanım üçün akkordionda ifa edib. Həmkarı isə onun ifasını alqışlar və heyran qalmış baxışlarla izləyib.
Britaniya nəşrinin məlumatına görə, cütlük rəsmi şam yeməyində çox "rahat və sərbəst" təsir bağışlayıblar. Nahara qədər ölkə başçıları Rusiyanın Argentinaya investisiya qoyması və nüvə enerjisi məsələlərində iş birliyi qurmaq məsələlərini müzakirə ediblər.
Rusiya prezidentinin Latın Amerikası ölkəsinə səfəri ticarət əlaqələrinin möhkəmlənməsinə və Ukrayna böhranı məsələsində Rusiyaya dəstək göstərən regionda təsirini gücləndirməyə yönlənib. Lakin mənbə onu da xəbər verir ki, Putinin səfəri zamanı Buones-Ayresdə prezident sarayı ətrafında 150 nəfərə yaxın insan toplaşaraq Rusiyanın Ukraynaya qarşı yürütdüyü siyasətə qarşı etiraz mitinqi keçirib.
Tarix
2014.08.23 / 21:06
|
Müəllif
Təhminə C.B.
|