Ana səhifə Sağlıq |
Səhiyyə Nazirliyi millət vəkili Aydın Mirzəzadənin qara ciyər serrozu xəstəliyindən əziyyət çəkən bir vətəndaş üçün etdiyi xahişi yerə salmayıb.
Axar.az xəbər verir ki, bu barədə millət vəkili özü məlumat verib. Onun sözlərinə görə, xəstə yaxın zamanlarda əməliyyat olunacaq: "Bir müddət öncə mətbuatda 26 yaşlı Mingəçevir şəhər sakini Pərviz Eyvaz oğlu Quliyevin ağır formada qara ciyərin serrozu xəstəliyindən əziyyət çəkdiyi və təcili bahalı cərrahi əməliyyata ehtiyacı olduğu haqqında məlumat yayılmışdı.
Məsələ ilə bağlı Səhiyyə Nazirliyinə müraciət etdim və məsələyə səlahiyyət daxilində kömək göstərilməsini xahiş etdim.
Bu gün mənə nazirlikdən məlumat verildi ki, nazirlikdə müraciətə baxılıb və xəstənin təsərrüfat hesablı klinikaların birində cərrahi əməliyyatına 50 faiz güzəşt edilməsi barədı qərar qəbul edilib.
Məsələ ilə bağlı xəstənin atası Eyvaz Quliyevə zəng edərək məlumat verdim. Valideyn təşəkkür edərək bu gün müvafiq hazırlığa başlayacağını bildirdi".
Tarix
2014.08.27 / 14:47
|
Müəllif
Şəmsəddin Ənsar
|