Bir qrup ortodoks yəhudi təhdid edildikləri üçün Qvatemalanın cənubunda yerləşən bir qəsəbəni tərk edir.

Axar.az xəbər verir ki, dini azadlıq axtaran "anti-sionist" və "ultra-ortodoks" fikirlərə sahib olan Lev Tahor firqəsinə mənsub yəhudiləri altı il əvvəl bir katolik qəsəbəsi olan San Xuan La Laqunaya yerləşdirilib.

Qəsəbənin rəhbər şəxsləri tərəfindən öz dinlərini təlqin etməkdə günahlandırılan Lev Tahorlar danışıqlardan sonra qəsəbəni tərk etmək məcburiyyətində qalıblar.

Əşyalarını toplayıb şəhərdən köçən yəhudilər belə deyib: "Biz sülh tərəfdarı adamlarıq, ona görə problem yaranmadan buranı tərk edirik".

"Bizim burda olmağa haqqımız var, amma bizi linç etməklə təhdid etdilər", deyərək çarəsizliklərini dilə gətirən yəhudilər Qvatemalanın başqa yerinə köçəcəklərinə ümid etdiklərini söyləyiblər.