İraqda İŞİD-ə qarşı döyüşən bir kürd peşmərgəsinin qəribə fotosu yayılıb.

Axar.az xəbər verir ki, şəkildə yerə sərilmiş bir peşmərgənin protez ayağı ilə terrorçularla mübarizəyə qoşulduğu göstərilib. Sosial şəbəkələrdə bu görüntü müzakirələrə səbəb olub. Onun terrorçular tərəfindən vurulduğu güman edilir.

Qeyd edək ki, ötən həftə Kürdüstan bölgəsinin rəhbəri Məsud Bərzani orduya İŞİD-lə bağlı təlimat verib. Bərzani bəyan edib ki, heç bir terrorçuya rəhminiz gəlməsin!

Artıq İŞİD-ə qarşı döyüşmək üçün Almaniya, Amerika və başqa dövlətlər kürdlərə silah dəstəyi verir. Son həftələrdə terrorçuların olduğu ərazilər bombalanır. Eyni zamanda, Amerikanın qırıcı təyyarələri də peşmərgələrə dəstək verməkdədir.