Dubayda (BƏƏ) 24 karatlıq yeyilə bilən qızıl əlavə edilmiş zərli şərabın satışına başlanılıb.

Axar.az xəbər verir ki, içkinin istehsalçısı ölkəyə delikateslərin gətirilməsində ixtisaslaşmış Lootah Premium Foods şirkətidir. Qeyd edilir ki, şərabın tərkibində alkoqol yoxdur.

Qızılı içkiyə ona parıltılıq vermək üçün əlavə ediblər. Şərabın hazırlanması üçün istifadə edilən üzüm İspaniyanın La-Mança üzümlüklərindən gətirilib. Şərabın dəyəri hələ ki dəqiqləşdirilməyib.

İstehsalçı şirkətin baş direktoru Tony Kollenin sözlərinə görə, "qızıl" şərabı daha çox toy mərasimləri, ad günləri və bayramlar üçün alırlar.

Məlumat üçün qeyd edək ki, Lootah Premium Foods Qətər biznesmeni Abdulla Nasserin şirkətlər qrupunun tərkibinə daxildir. Firma BƏƏ-yə orqanik meyvə və tərəvəzlərin, ət delikateslərinin, içki və dəniz məhsullarının gətirilməsi ilə məşğuldur.