Ana səhifə Gündəm |
Litva Seyminin (parlamentinin) deputatı - Dalya Kuoditenin Dağlıq Qarabağa səfəri etirazlar doğurub.
Axar.az xəbər verir ki, ölkə ictimaiyyəti deputatın bu səfərini pisləyib. Etirazlarda qeyd edilib ki, Dağlıq Qarabağ Respublikası qondarmadır və ermənilər tərəfindən işğal olunmuş bölgəyə səfər qanunsuzdur.
Litvanın müxtəlif ictimai-siyasi təşkilatları, birlikləri deputatın bu səfərini qınayıblar. Həmçinin, ölkə mətbuatı bu səfərə tənqidi yanaşıb. Litvanın Azərbaycandakı səfirliyindən isə Trend-ə bildirilib ki, səfər şəxsi təşəbbüslə baş tutub.
Ermənistan KİV-in məlumatına görə, litvalı deputat sentyabrın 1-də Ermənistanın işğal etdiyi Azərbaycan ərazilərinə, Dağlıq Qarabağa səfər edərək separatçı rejimin nümayəndələri ilə görüşüb.
Xatırladaq ki, Dağlıq Qarabağa və Ermənistanın işğal etdiyi digər Azərbaycan ərazilərinə Azərbaycan tərəfi ilə razılaşdırılmamış səfərlər qanunsuz hesab edilir, bu səfərləri edən şəxslər isə Azərbaycan XİN-in "arzuolunmaz şəxslər" siyahısına salınırlar.
Tarix
2014.09.02 / 13:41
|
Müəllif
Emin Aslanlı
|