Ana səhifə İqtisadiyyat |
Sentyabrın 2-dən Slovakiyadan qazın Ukraynaya revers rejimlə rekonstruksiya olunmuş Voyan-Ujqorod boru-kəməri vasitəsilə ötürülməsi başlayıb.
Axar.az RİA Novostiyə istinadən xəbər verir ki, bu barədə rəsmi qərar sentyabrın 2-də saat 12:55-də verilib. "Eustream" şirkətinin nümayəndəsi bildirib ki, qaz kəməri 2015-ci il martın 1-dən normal rejimlə işləyəcək.
Slovakiyanın sərhəd kompressor stansiyasındakı Ukraynaya revers rejimlə qaz nəqli prosedurunda Slovakiyanın Baş naziri Robert Fitso, Ukrayna Baş naziri Arseni Yaçenyuk, Avrokomissiyanın enerji departamentinin nümayəndəsi Klaus-Diter Borhard, eləcə də Slovakiya və Ukraynanın iqtisadiyyat nazirləri, neft-qaz kompleksləri şirkətlərinin rəhbərləri iştirak edib.
Qeyd edək ki, Ukrayna KİV-in məlumatına görə, qazın qiyməti min kubmetrə 360 dollar təşkil edəcək. İndilər planlaşdırılımış həcm sutkada 27 milyon kubmetr təşkil edir.
Tarix
2014.09.02 / 18:02
|
Müəllif
Təhminə C.B.
|