Avropa xəstəxanasının professorları çay içməyin insan orqanizminə təsirlərini araşdırıblar.

Axar.az xəbər verir ki, mütəxəssislərin fikrincə, mütəmadi olaraq çay içən insanların hansısa xəstəlikdən ölmə risqi 24 faiz azalır.

Fransa Tibb Mərkəzinə baş vuran 18-95 yaş arası 131 min 401 insanın sağlamlığını və həyatını araşdıran mütəxəssislər çayın insan həyatında böyük rol oynadığını vurğulayıb. Qəhvəyə üstünlük verən insanların isə erkən ölmə risqinin olduğunu bildirirlər.

Araşdırmanı aparan komandanın baş mütəxəssisi Professor Nikolas Dançin İngiltrənin "Deyli Meyil" qəzetinə açıqlamasında çayın insan sağlamlığına təsirini onun tərkibində olan antioksidan maddələrə bağlı olduğunu qeyd edib.

Professor müsahibəsinin sonunda qeyd edib ki, çox yaşamaq istəyirsinizsə çay, həyatınızdan bezmisinizsə qəhvə için.