Yuxarı

Quru Qoşunlarında kibermühafizə briqadası yaradıldı

Ana səhifə Planet
12 Punto 14 Punto 16 Punto 18 Punto

ABŞ Silahlı Qüvvələrinin Quru Qoşunlarında kibermühafizə briqadası adlandırılan informasiya kompüter şəbəkələrinin təhlükəsizliyinin təmini üzrə ilk xüsusi bölmə fəaliyyətə başlayıb. ABŞ Ordusunun kiberkomandanlıq bölməsinin rəhbəri Edvard Kardonun bildirdiyinə görə, polkovnik Donald Breyin komandiri olacağı briqada Corciya ştatındakı Fort-Qordon bazasında yerləşəcək.

Axar.az Rabitə Nazirliyinin rəsmi saytına istinadən xəbər verir ki, bölmədə həm kadr hərbçilər, həm də mülki mütəxəssislər qulluq edəcək. Briqadaya kibermühafizə üzrə 20 komanda (hər birində 40 əməkdaş) daxildir və onların vəzifəsi quru qoşunlarının müstəqil və ya silahlı qüvvələrin digər növləri ilə birlikdə həyata keçirdiyi əməliyyatlar zamanı informasiya kompüter şəbəkələrinin mühafizəsinin təmin edilməsindən ibarət olacaq.

Cari ilin əvvəlində ABŞ müdafiə naziri Çak Heygel bəyan edib ki, Pentaqon yaxın iki ildə dövlət və özəl informasiya şəbəkələrini və idarəetmə sistemlərini xarici kəşfiyyatlardan, kiberterrorizm və haker hücumlarından mühafizə etmək məqsədilə kibertəhlükəsizlik sahəsi mütəxəssislərinin sayını üç dəfə artırmağı planlaşdırır. ABŞ Müdafiə Nazirliyinin müasir kiberqüvvələrin yaradılmasını davam etdirdiyini deyən nazir cari ilin sonunadək kibertəhlükəsizlik mütəxəssislərinin sayının 1,8 min nəfərə, 2016-cı ilin əvvəlinə isə 6 min nəfərədək çatacağını bəyan edib.

"Bu, kiberməkanda təcavüzün qarşısını almaq üçün imkanları genişləndirəcək, düşmənlərimizə məqsədlərinə nail olmağa imkan verməyəcək və ölkənin milli təhlükəsizliyini təhdid edən kiberhücumlardan qoruyacaq", - nazir qeyd edib. O vurğulayıb ki, informasiya şəbəkələrinə, o cümlədən mühüm idarəetmə sistemlərinə və infrastruktur obyektlərinə müdaxilə etmək cəhdləri azalmır və getdikcə aqressiv xarakter daşıyır".

Tarix
2014.09.15 / 13:51
Müəllif
Axar.az
Şərhlər
Digər xəbərlər

Radev Əliyevə zəng etdi: Səfər təxirə düşdü

Rəsmi İrəvan gərəksiz bəhanələr axtarmaq əvəzinə…

Bu, Ermənistanı yeni təxribatlara təşviq edə bilər

ABŞ-ın bu addımları bizi məyus edir - Hacıyev

Bakı və İrəvan sülhə yaxındır, ancaq… - Hacıyev

Akar ABŞ konqresmenləri ilə sülh prosesini müzakirə etdi

İrəvan İranın “qırmızı xəttini” zorlayır, həm də tək yox!

Arkov: Bakı buna çox sərt cavab verəcək

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla