Ana səhifə |
Bədii gimnastika üzrə ən yüksək medallara layiq görülən, Dövlət Dumasının sabiq üzvü və Rusiya dövlət başçısı Vladimir Putinin sevgilisi olduğu iddia edilən Alina Kabayevaya yeni vəzifə verilib.
Axar.az -ın İTAR TASS informasiya agentliyinə istinadən verdiyi xəbərə görə, o, bundan sonra Milli Media Qrupunun direktorlar şurasına sədrlik edəcək. Qrupun açıqladığı məlumatda deyilir ki, holdinqin ictimai şurasında 6 il ərzində təmsil olunan Alina Maratovna yeni təklifi məmnuniyyətlə qəbul edib.
Xatırladaq ki, ötən gün Kabayevanın Dövlət Dumasından könüllü şəkildə getmək istədiyi xəbəri yayıldı. Onun deputat mandatının ləğvinə bu gün parlamentin müvafiq komitəsində baxılacaq.
Onu da diqqətə çatıraq ki, Milli Media Qrupu Rusiyada ən nəhəng holdinqlərdən biri sayılır.
Tarix
2014.09.16 / 00:30
|
Müəllif
Telman Məmmədli
|