"Xəzər beşliyi" öz birliyini qoruyub saxlayır".

Axar.az xəbər verir ki, bu sözlər Xəzər Əməkdaşlığı İnstitutunun Baş direktoru Sergey Mixiyevin 29 sentyabrda Həştərxanda keçiriləcək Xəzər Dənizi Ölkələrinin IV sammiti ilə əlaqədar iştirakçılara göndərdiyi məktubda yer alıb.O, Xəzər regionunda məsələlərin həllinin yalnız region ölkələrindən asılı olduğunu deyib:

"Regiona kənar oyunçuların girməyə çalışmasına baxmayaraq, "Xəzər beşliyi" yenə öz birliyini qoruyub saxlayır. Eləcə də bu beşlik anlayır ki, Xəzər regionunda məsələlərin həlli yalnız özlərindən asılıdır və öz maraqları çərçivəsində məsələni həll etməyə çalışırlar. Üçüncü tərəfin Xəzərdə olması Rusiya və İran üçün böyük narahatlıq doğurur. Bu ölkələrin milli təhlükəsizliyi birbaşa məhz bu regiondakı stabillikdən asılıdır".