"Beynəlxalq aləmə və Dağlıq Qarabağın erməni sakinlərinə anlatmalıyıq ki, Azərbaycanla dostluq onlara siyasi və iqtisadi mənada daha çox qazandıracaq, işğalçılığın və "müstəqilliyin" isə onlar üçün bir xeyri yoxdur".

Axar.az xəbər verir ki, bu açıqlama ilə politoloq Elxan Şahinoğlu çıxış edib.

O, ermənilərin indiki halının onları uçuruma aparacağını bildirib:

"Müstəqilliyə səs verməyən şotlandların əsas arqumentləri belə idi: "Həyatımı dəyişmək istəmirəm", "belə də yaxşıdır", "Avropa Birliyindən çıxmaq düzgün olmaz", "Böyük Britaniyanın tərkib hissəsi olaraq sosial təminatlarımız və maaşlarımız daha yüksəkdir". Tutarlı arqumentlərdir. Məqamdır. Eyni arqumentləri biz də gücləndirməliyik. Beynəlxalq aləmə və Dağlıq Qarabağın erməni sakinlərinə anlatmalıyıq ki, Azərbaycanla dostluq onlara siyasi və iqtisadi mənada daha çox qazandıracaq, işğalçılığın və "müstəqilliyin" isə onlar üçün bir xeyri yoxdur. Sosial təminatları da olacaq, bölgənin inkişafı da sürətlənəcək, Ermənistanla əlaqə də saxlaya biləcəklər. Yox indiki kimi dirənəcəklərsə, erməniləri ölüm və kasıblıq girdabından başqa heç bir pesrpektiv gözləmir..."