Ana səhifə Planet |
"Ermənistan Avrasiya İttifaqına məxsusdur".
Axar.az 1in.am saytına istinadən xəbər verir ki, bu açıqlama ilə rusiyalı politoloq Aleksandr Duqin çıxış edib. O, Serj Sərkisyanın Uels sammitində iştirakının doğru olmadığını bildirib:
"Hesab edirəm ki, bütün postsovet ölkələrinin Rusiya ilə yaxınlaşıb, uzaqlaşdığı məqamlar olur. Rusiya və Ermənistan üçün Serj Sərkisyanın Uels sammitində iştirakının xeyirli tərəfi yoxdur. Amma Rusiya özünün sərt mövqeyi göstərmir və özü bu şeylərə imkan verir. Əgər Rusiya Ermənistana nəyi edib, nəyi etməməsi ilə bağlı tələblər qoysaydı, bu, dostyana addım olmazdı. Doğrudur, Ermənistan Avrasiya İttifaqının ilk sənədlərinin imzalanmasında iştirak etmədiyinə görə küsüb, amma bu küskünlüyü bu cür biruzə vermək olmaz. Bu təhlükəli oyundur. Çünki Ermənistanın varlığının qarantı Rusiyadır. Amma bu addım müharibənin elan edilməsi kimi başa düşülməməlidir. Onsuz da Rusiyanın özündə də "beşınci kolon"la bağlı çoxlu problem var".
Tarix
2014.09.23 / 12:26
|
Müəllif
İlkin Həsənov
|