"Poroşenko savaşdı və göründü ki, indiki şərtlər altında müharibə ilə problemin həlli mümkün deyil".

Axar.az xəbər verir ki, bu açıqlama ilə politoloq Elxan Şahinoğlu öz Feysbuk səhifəsində çıxış edib. O, Poroşenkonun müharibəyə alternativ variant kimi danışıqları seçdiyini bildirib:

"Ukrayna Prezidenti Pyotr Poroşenko jurnalistlərə açıq etiraf edib ki, ordunun Donbasda vuruşmağa taqəti qalmayıb, texnikanın 65 faizi məhv edilib. Poroşenko həm də ona işarə vurub ki, ümumiyyətlə, Rusiya separatçıların məğlub olmasına və Ukrayna ordusunun şərqə daxil olmasına imkan verməyəcək. Səmimi etirafdır. Belə isə sual olunur: Bəs onda niyə savaşdılar? Poroşenko hətta zəif orduyla savaşmaya bilməzdi. Əks halda Ukrayna milliyətçiləri deyəcəkdilər ki, savaşsaydılar, separatçıları məğlub edib, ölkənin şərqini separatçılardan təmizləyəcəkdilər. Poroşenko savaşdı və göründü ki, indiki şərtlər altında müharibə ilə problemin həlli problematikdir. Ukrayna prezidenti ona görə də alternativ varianta baş vurararaq danışıqlar yoluna üstünlük verir. İndi dili uzundur. Poroşenko vuruşmadan sülh danışıqlarına başlasaydı, daxildəki millətçi qüvvələr onu satqınlıqda ittiham edəcəkdilər..."