Parisdə rəsmi olaraq təqdim ediləcək "Volksvagen Passat"ın hibrid versiyası avtomobil həvəskarlarının diqqət mərkəzindədir.

Axar.az xəbər verir ki, yeni model yüksək sürət dinamikası, yanacağa qənaət və kifayət qədər uzaq məsafə qətetmə xüsusiyyətlərini özündə cəmləşdirib.

"Volksvagen Passat GTE"nin güc qurğusuna 156 at gücünə sahib 1,4-litrlik benzin və 114 a.g. hasil edən elektrik mühərriki daxil edilib. Ümumi at gücü 218-ə bərabər olan 6-pilləli sürət qutusuna malik model 100 km/saat sürəti 8 saniyəyə qət edir.

Orta vəziyyətdə 100 km məsafəyə 2 litr yanacaq sərf edən avtomobil 1000 km məsafəni 50 litrlə qət etmək gücünə malikdir.

Avtomobilin gələn ilin ortalarında satışa çıxarılacağı gözlənilir.