Ana səhifə Kult |
Sabah Beynəlxalq Muğam Mərkəzində Azərbaycan xanəndəlik sənətinin görkəmli nümayəndəsi Keçəçioğlu Məhəmmədin (Məhəmməd Məşədi Xəlil oğlunun) anadan olmasının 150 illiyinə həsr edilmiş yubiley tədbiri keçiriləcək.
Axar.az Mədəniyyət və Turizm Nazirliyinin rəsmi saytına istinadən xəbər verir ki, yubiley tədbiri ölkə Prezidentinin müvafiq Sərəncamına əsasən qeyd olunacaq.
Tədbirdə Qarabağ muğam məktəbinə mənsub ən böyük sənətkarlar sırasında mühüm yer tutan Keçəçioğlu Məhəmmədin milli musiqimizin qədim tarixi köklərə malik ənənələrini layiqincə yaşatmasından, xüsusən klassik muğamların bənzərsiz və unudulmaz ifaçısı kimi Azərbaycanın çoxəsrlik mədəniyyət xəzinəsinə verdiyi qiymətli töhfələrdən söz açılacaq.
Gecədə xalq artistləri Səkinə İsmayılova, Zabit Nəbizadə, gənc ifaçılar Qoçaq Əsgərov, Güllü Muradova, Səbinə Ərəbli və başqaları çıxış edəcək.
Musiqişunas Firudin Şuşiniskinin Keçəçioğlu Məhəmməd haqqında hazırladığı verlişi təqdim edirik:
Tarix
2014.10.02 / 16:24
|
Müəllif
Axar.az
|