Səhiyyə naziri Oqtay Şirəliyev beş rayonun vətəndaşları ilə görüşəcək.

Nazirlikdən Axar.az-a verilən məlumata görə, Səhiyyə Naziri Oqtay Şirəliyev sabah Salyan rayon Mərkəzi Xəstəxanasında vətəndaşlar üçün qəbul keçirəcək. Nazir Salyan, Neftçala, Biləsuvar, Cəbrayıl və Cəlilabaddan olan vətəndaşları qəbul edəcək və səhiyyə sahəsinə dair vətəndaşları maraqlandıra sualları cavablandıracaq.

Qəbulda habelə sakinlərin müraciətləri, şikayət, təklif və fikirləri nazir tərəfindən dinləniləçək və lazımi tədbirlər görüləcək.

Qəbula yazılmaq istəyən vətəndaşlar Salyan rayon Mərkəzi Xəstəxanasında qeydiyyatdan keçə bilərlər.