Ana səhifə Gündəm |
"Bir neçə gün öncə komitə rəhbərliyi tərəfindən mənim fəaliyyətimi Qubada (Şimal bölgəsi) davam etdirməyim təklif olundu".
Axar.az xəbər verir ki, bu açıqlama ilə Dini Qurumlarla İş üzrə Komitənin Mətbuat Xidmətinin keçmiş rəhbəri Orxan Əli öz Feysbuk səhifəsində çıxış edib.
O, mətbuatda onunla bağlı yayılan informasiyalarda bəzi yanlışlıqlara yol verildiyini deyib:
"Hörmətli dostlar! Əziz jurnalist həmkarlarım! Mənim Dini Qurumlarla İş üzrə Dövlət Komitəsinin Mətbuat katibi vəzifəsindən azad olunmağımla bağlı mətbuatda məlumat yayılıb. Lakin xəbərdə bir sıra yanlışlıqlar var ki, buna aydınlıq gətirmək istəyirəm. "Trend" İnformasiya agentliyinin "Dini Qurumlarla İş üzrə Dövlət Komitəsinin Mətbuat Xidmətinin rəhbəri vəzifəsindən kənarlaşdırılıb" adlı xəbərində deyildiyi kimi "kənarlaşdırılma" deyil, öz ərizəmlə işdən azad olunmuşam. Məsələ bundadır ki, Dövlət Komitəsində Mətbuat katibi üçün ştat olmadığından mən rəsmi olaraq Şimal bölgəsi üzrə aparıcı məsləhətçi olmuşam və Mətbuat katibi vəzifəsini icra etmişəm. Bir neçə gün öncə komitə rəhbərliyi tərəfindən mənim fəaliyyətimi Qubada (Şimal bölgəsi) davam etdirməyim təklif olundu. Mövcud şəraitim buna imkan vermədiyi üçün öz ərizəmlə işdən azad olundum. Xəbərdə olan digər yanlışlıq isə mənim "2012-ci ilin iyun ayından" bu vəzifədə çalışmağımdır. Mənim Komitədə fəaliyyətim iyun ayından deyil, rəsmi olaraq sentyabr ayından başlayıb. Hər birinizə göstərdiyiniz diqqət üçün təşəkkür edirəm. Xüsusən də bu 2 ildə birbaşa komitə ilə işləyən jurnalistlərə xüsusi minnətdarlığımı bildirirəm".
Tarix
2014.10.23 / 13:30
|
Müəllif
İlkin Həsənov
|