"Belarus prezidenti Aleksandr Lukaşenko Vladimir Putin və Rusiyanın digər rəhbərlərini "lox" adlandırıb".

Axar.az xəbər verir ki, bunu rusiyalı siyasətçi Boris Nemtsov öz Feysbuk səhifəsində qeyd edib.

O, Lukaşenkonun bir zamanlar Moskvada fermer hesab edildiyini də vurğulayıb:

"Yadıma gəlir, vaxt var idi, Moskvada Lukaşenkonu fermer hesab edirdilər və ona gülürdülər. Lakin indi Kreml susur. Bunun müqabilində isə Lukaşenko danışdı".

Boris Nemtsov Lukaşenkonun Rusiya ilə bağlı sərt fikirlərini aşağıdakı kimi ifadə edib:

"Görün indi istehza etdiyimiz adam Rusiya haqqında nələr söyləyir: Belarusun Rusiyaya qarşı ərazi iddiaları var. Bura Smolensk və Bryansk rayonları aiddir. Krımı, həmçinin, Osetiya və Abxaziyanı da heç vaxt rusiyalıların olaraq qəbul etməyəcəyik. Üstəlik, Rusiyanı Qazaxıstanla Monqolustan arasında bölmək lazımdır".