Ana səhifə Kult |
Oktyabr 26-da Özbəkistan Dövlət Konservatoriyasında Azərbaycanın Xalq artisti, Dövlət mükafatı laureatı, Ü. Hacıbəyov adına Bakı Musiqi Akademiyasının rektoru Fərhad Bədəlbəyli və dirijor, Xalq artisti Yalçın Adıgözəlov çıxış edəcəklər.
Axar.az xəbər verir ki, onları Özbəkistan Milli Simfonik Orkestri müşayiət edəcək.
Azərbaycan Respublikasının Özbəkistandakı Səfirliyi və Səfirliyin nəzdindəki Heydər Əliyev adına Azərbaycan Mədəniyyət Mərkəzinin birgə təşkilatçılığı ilə Daşkənddə təşkil olunacaq dostluq konserti Azərbaycan və Özbəkistanın müstəqilliklərinin əldə etmələrinin 23-cü ildönümünə həsr olunacaq.
Konsert proqramında Üzeyir Hacıbəyovun "Koroğlu" uvertürası, Soltan Hacıbəyovun "Karvan" simfonik əsəri, Qara Qarayevin "Yeddi gözəl" baletindən süita, Fikrət Əmirovun Azərbaycan kapriççiosu və başqa məşhur əsərlər ifa olunacaq. Konsert proqramında azərbaycanlı musiqi ustaları Azərbaycan əsərləri ilə yanaşı "İstədim" Özbək vokal simfonik əsərini Özbəkistanın Xalq artisti Əvəz Rəcəbovla birgə ifa edəcəklər.
Tarix
2014.10.24 / 16:27
|
Müəllif
Nilufər Muğantürk
|