Ana səhifə Planet |
Özbəkistan hökuməti və bir sıra beynəlxalq təşkilatlar Aral faciəsinin nəticələrilə mübarizəyə yönlənmiş 30 müxtəlif sənəd imzalayıblar.
Axar.az RİA Novosti-yə istinadla xəbər verir ki, Özbəkistan Baş nazirinin birinci müavini Rüstəm Əzimovun bildirdiyinə görə, beynəlxalq donorlar qurumaqda olan Aral dənizinin xilası üçün 3 milyard dollar ayırıblar.
Oktyabrın 28-29-da Ürgəncdə (Özbəkistanın Aralyanı vilayət mərkəzi) "Aral dənizi hövzəsi regionunda ekoloji fəlakətin nəticələrinin yüngülləşdirilməsinə dair beynəlxalq konfrans" keçirilib.
Əzimovun dediyinə görə, konfransın nəticələrinə əsasən, Aralın Beynəlxalq xilası fondu, Özbəkistan hökuməi, özbək dövlət strukturları və bir sıra beynəlxalq təşkilatlar Aral faciəsinin nəticələri ilə mübarizəyə dair 30 müxtəlif sənəd imzalayıblar.
Qeyd edək ki, Orta Asiya düzənliyinin mərkəzində, Qazaxıstan və Özbəkistan sərhəddində yerləşən Aral dənizi 1960-cı ilədək sahəsinə görə dünyada dördüncü göl olub. Ancaq son 40 il ərzində dəniz demək olar ki, iki dəfə kiçilib, səviyyəsi 18 metr düşüb, suyun həcmi 5 dəfə azalıb, duzluluğu artıb, balıqlar məhv olub.
Tarix
2014.10.30 / 19:45
|
Müəllif
Təhminə C.B.
|