Ana səhifə Toplum |
Azərbaycanda 2013-cü ilin yekunlarına əsasən qeydiyyatda olan narkotik istifadəçilərin sayı bu ilə nisbətdə artmayıb.
Səhiyyə Nazirliyinin Respublika Narkoloji Mərkəzindən Axar.az-a verilən məlumata görə, hazırda ölkədə 28 min 376 qeydiyyatda olan narkotik istifadəçisi var.
Xatırladaq ki, 31 dekabr 2013-cü il tarixə olan məlumatına əsasən də ölkə ərazisində eyni sayda narkotik istifadəçisi qeydə alınmışdı.
2012-ci ildə isə bu göstərici 27 min 910 nəfər olub. 28 min 376 nəfərdən 22 min 533 nəfər dispanser, 5 min 843 nəfər profilaktik qeydiyyatda olan, 756 nəfər anonim müalicə alanlardır. Qeydiyyatda olanlardan 539-u qadın, 130-u toksikoman, 393-ü qadın olmaqla, 20 min 4 nəfəri inyeksion narkotik istifadəçisidir.
2013-cü ildə 1509 nəfər yeni qeydiyyata götürülüb, 1049 nəfər qeydiyyatdan çıxıb.
Yaş qruplarına gəlincə, qeydiyyatda olan narkotik istifadəçilərinin 4-ü (2 qız, 2 oğlan) 14-17 yaş, 8 min 443 nəfəri 18-29 yaş, 14 min 692 nəfəri 30-39 yaş qruplarına daxildir.
Tarix
2014.10.30 / 21:03
|
Müəllif
Şəmsəddin Ənsar
|