Fövqəladə Hallar Nazirliyi Dövlət Yanğından Mühafizə Xidməti Şabran rayon Dövlət Yanğından Mühafizə Hissəsinin yeni inzibati binasının ötən gün açılışı olub.

Axar.az FHN-in rəsmi saytına istinadla bildirir ki, Azərbaycan Respublikası Fövqəladə Hallar nazirinin müavini general-leytenant Etibar Mirzəyev ən yüksək standartlara cavab verən müasir avadanlıqlarla təchiz olunmuş binanın rəmzi açılışını bildirən qırmızı lenti kəsib.

Yeni binada dispetçer, tədris və istirahət otaqları, yeməkxana ilə yanaşı, Azərbaycan xalqının ümummilli lideri Heydər Əliyevin həyat və fəaliyyətini əks etdirən fotostend təşkil edilib.