Ukrayna, Rusiya və Avropa Birliyi Brüsseldə qış qaz planı ilə bağlı bütün sənədləri imzalayıblar.

Axar.az xəbər verir ki, imzalanan yeni qaz planına görə, Rusiya 2015-ci ilin martına qədər Ukraynanı qazla təmin edəcək.

Razılaşma Rusiya və Ukraynanın Energetika nazirləri Aleksandr Novak və Yuri Prodan, Avropa Komissiyasının vitse-prezidenti Günter Ettinger tərəfindən imzalanıb.

Ettingerin sözlərinə görə, razılaşmaya əsasən Rusiya martın sonuna qədər qazı Ukraynaya 100 dollar ucuz qiymətə, 385 dollara satacaq.

Rusiyanın Energetika naziri Aleksandr Novak bildirib ki, Rusiya qış qazını verməyi, Ukrayna tərəfi isə şərtə görə 4 milyard kubmetr qazı ödəyəcəyini öz üzərinə götürüb.